Dankie vir u belangstelling om die Stilbaai-gemeenskap te ondersteun! Ons het soms projekte wat gemeenskapsbefondsing benodig, en hoewel ons enige skenkings waardeer, let asseblief daarop dat ons nie 'n geregistreerde Artikel 18A-maatskappy is nie, wat beteken dat skenkings nie belastingaftrekbaar is nie. U ondersteuning sal ons help om 'n positiewe impak in ons gemeenskap te maak!
Die volgende is ons beleid oor fondsinsameling:
-
Fondsinsamelings word vir spesifieke doelwitte of projekte van stapel gestuur.
-
Fondsinsameling sal eerlik en sonder wanvoorstelling gedoen word.
-
Fondse vir spesifieke projekte sal afsonderlik bestuur word sodat verslagdoening op 'n projek-vir-projek basis gedoen kan word.
-
10% van fondse ontvang vir 'n projek mag gebruik word vir administratiewe uitgawes wat verband hou met die projek.
-
Alle fondsinsamelingsprojekte sal deur die SGF Bestuurspan goedgekeur en geprioritiseer word.
-
Alle surplusfondse word deur die SGF Bestuurspan in bewaring gehou vir 'n daaropvolgende projek en sal onder geen omstandighede gebruik word vir die administrasie van die SGF of enige ander doel nie, tensy anders gespesifiseer deur die skenker.
-
Die SGF Bestuurspan sal lede in die jaarverslag van volledige verslagdoening voorsien van alle fondsinsamelings wat gedurende die jaar plaasgevind het.
-
Skenkings moet per EFT betaal word met gebruik van die bankinligting wat u saam met u faktuur sal ontvang.
-
U sal 'n erkenning vir u skenking ontvang.
Die volgende projek benodig tans befondsing:
Lapskuit Voetpad
Die paadjie langs die rivier in die Lapskuit-gebied het dringend herstelwerk nodig. Indien dit nie gedoen word nie, sal die gruis wat tans in plek is, weggespoel word en skade aan die pad veroorsaak.
Die munisipaliteit het nie tans die fondse om dit te herstel nie, daarom het ons 'n kwotasie gekry vir die plaveisel van 'n 77 m lange gedeelte teen 'n koste van R33 600.
Klik asseblief op die Skenk-knoppie vir meer inligting en om 'n skenking te maak.
From:
.jpeg)
To:
